Power help

ទស្សនៈ ៨ ចំណុចទាក់ទងភាពជាអ្នកដឹកនាំដែលគេជឿថាមានប្រភពពីព្រះបាទ​ជ័យវរ្ម័នទី៧​។ ទោះប្រភពមិនទាន់ជាក់ច្បាស់១០០% តែច្បាស់ណាស់ថាជាគតិដ៏មានប្រយោជន៍ដែលយើងគួរដឹង៖ ១. ទឹកអម្រែក៖ មិនលម្អៀងក្នុងការប្រាស្រ័យនឹងអ្នកខាងក្រោម ២. ភ្នែកខ្លែង៖ មើលបានឆ្ងាយ បានច្បាស់ បានគ្រប់ជ្រុងជ្រោយ ៣ ស្ញែងរាជសីហ៍៖ មានឥរិយាបថអង់អាច ហ្មត់ចត់ មិនសូវឡេះឡោះ ៤ សម្ដីឥសូរ៖ ពោលសម្ដីពិត ហ៊ានពោលហ៊ានធ្វើឱ្យគេគោរពរាល់សម្ដី ៥ ថ្ងូរព្រះឥន្ទ៖ មិនងាយថ្ងូរត្អូញត្អែរ លុះត្រាមានបញ្ហាធំខ្លាំងបំផុត ៦ សុបិន្ដសួគ៌៖ មានផែនការនិងគោលដៅធំហើយប្រាកដប្រជា ៧ ខួរទន្សាយ៖ ឆ្លាតវៃក្នុងការរៀបចំយុទ្ធសាស្ដ្រ និងដោះស្រាយបញ្ហា ៨ សប្បាយស្រមោច៖ គឺចេះចែករំលែកសេចក្ដីសប្បាយ​ មិនសប្បាយតែឯង។  ទស្សនៈនីមួយៗអាចមានការបកស្រាយមិនដូចគ្នាទាំងស្រុងទេ តែអាចល្អៀងខុសគ្នាតិចតួចប៉ុណ្ណោះ។ នាំមកជូនដោយ៖ Power help

បន្ទាប់ពីប្រិយមិត្តបានការសិក្សាគម្រោងអាជីវកម្ម និងរបៀបរៀបចំរចនាសម្ព័ន្ធអាជីវកម្ម លោកអ្នកអាចសរសេរផែនការអាជីវកម្មបានហើយ។ លោកអ្នកនឹងត្រូវការសរសេរផែនការអាជីវកម្ម ដើម្បីដាក់ជូនវិនិយោគិនគោលដៅរបស់លោកអ្នកពិចារណា ដើម្បីឈានទៅរកកិច្ចវិនិយោគបង្កើតអាជីវកម្ម។ ខាងក្រោមនេះជា ៥ចំណុចក្នុងការសរសេរផែនការអាជីវកម្ម៖ ១, រៀបចំរាល់ព័ត៌មានទាក់ទងនឹងអាជីវកម្មលោកអ្នក ចាប់ផ្ដើមបង្កើតចំណុចផ្ដើម និងរៀបរៀងសមស្រប។ ការរៀបចំព័ត៌មានតាមផ្នែកនឹងធ្វើឲ្យផែនការលោកអ្នកមានរបៀបរៀបរយ ហើយធ្វើឲ្យវិនិយោគិនយល់ថាមានប្រយោជន៍៖ ចំណងជើង និងមាតិកា សង្ខេបសេចក្ដីប្រតិបត្តិ៖ សង្ខេបចក្ខុវិស័យរបស់លោកអ្នកសម្រាប់ក្រុមហ៊ុន ព័ត៌មានទូទៅអំពីក្រុមហ៊ុន៖ បង្ហាញពីទិដ្ឋភាពទូទៅក្នុងក្រុមហ៊ុនលោកអ្នក និងសេវាកម្មដែលនឹងផ្ដល់ជូនក្នុងទីផ្សារ។ ផលិតផល និងសេវាកម្ម៖ បង្ហាញពិស្ដាពីភាពល្អឯក នៃផលិតផល ឬ សេវាកម្ម ផែនការទីផ្សារ៖ បង្ហាញពីរបៀបលោកអ្នកនាំផលិតផលដល់អតិថិជន ផែនការប្រតិបត្តិការ៖ បង្ហាញពីរបៀបលោកអ្នកធ្វើប្រតិបត្តិការក្នុងមូលដ្ឋានគ្រឹះប្រចាំថ្ងៃ។ គ្រប់គ្រង និងរៀបចំ៖ បង្ហាញពីរចនាសម្ព័ន្ធ នៃអាជីវកម្ម និងទស្សនៈក្នុងការដឹកនាំ។ គម្រោងហិរញ្ញវត្ថុ៖ បំភ្លឺគំរូដំណើរការការងារ ...

 តើអ្នកត្រូវមានអ្វីខ្លះដើម្បីដំណើរការអាជីវកម្មរបស់អ្នក?  មនុស្សភាគច្រើនប្រាថ្នាចង់ប្រកបរបរអាជីវកម្មផ្ទាល់ខ្លួន។ ប៉ុន្តែការបើករបរអាជីវកម្ម ពុំមែនជារឿងងាយស្រួលនោះទេ។ មុខជំនួញថ្មីៗជាច្រើន អាចមានការខាតបង់ឬដួលរលំ ដោយសារតែកត្តាផ្សេងៗដូចជា កង្វះខាតនៃបទពិសោធន៍អាជីវកម្ម មូលធននៅស្ទើរ ឬក៏អសមត្ថភាពក្នុងការគ្រប់គ្រងការទូទាត់បញ្ជីជាដើម។ ដើម្បីបើកដំណើរការអាជីវកម្មណាមួយ អ្នកត្រូវមាន៖  ១,  គម្រោងអាជីវកម្ម   អ្វីដែលចាំបាច់បំផុតសម្រាប់សហគ្រិន នោះគឺគម្រោងអាជីវកម្ម ដែលវាជាអ្វីដែលអ្នកត្រូវបង្កើត មុនពេលអ្នកបើកក្រុមហ៊ុន។ គម្រោងអាជីវកម្មដើរតួជាអ្នកណែនាំ ក្នុងពេលធ្វើការសម្រេចចិត្ត ដែលពាក់ព័ន្ធទៅនឹងអាជីវកម្មរួមមាន ការចែងពីបេសកកម្ម គោលដៅ និងគុណតម្លៃរបស់ក្រុមហ៊ុន។   ២, មូលធន  រាល់មុខជំនួញនិងអាជីវកម្មទាំងអស់ មិនថាតូចក្ដីធំក្ដី គឺសុទ្ធតែតម្រូវឱ្យមានដើមទុនទាំងអស់។អ្នកត្រូវស្វែងយល់ និងគិតឱ្យបានច្បាស់លាស់ អំពីរបៀបទ្រទ្រង់ហិរញ្ញវត្ថុសម្រាប់ក្រុមហ៊ុន ដែលអ្នកត្រៀមបើក។ អ្នកត្រូវចងចាំថា មូលធនរបស់អ្នកនឹងត្រូវប្រើប្រាស់ទៅលើ ការចំណាយប្រតិបត្តិការនានា សម្រាប់ដំណើរការក្រុមហ៊ុន មុនពេលដែលប្រាក់ចំ...

ប្រសិនបើអ្នកចង់ធ្វើអ្វីមួយសូមអ្នកស្រមៃធ្វើជាស្ថាបនិកហើយស្មោះត្រង់ជាមួយគោលដៅ។ នៅប្រទេសជឿនលឿនគេអត់ចាប់យកមុខរបរច្រើនក្នុងពេលតែមួយនោះទេ ប្រសិនបើអ្នកចិញ្ចឹមមាន់អ្នកត្រូវតែចិញ្ចឹមរហូតឲ្យបានផ្តាច់មុខក្នុងតំបន់ ក្នុងប្រទេស ឲ្យតែគេចង់រកមាន់គឺទៅហាង ឬទីតាំងរបស់អ្នក។ បើអ្នកចង់ផលិតទឹកម្ទេស ប៉េងប៉ោះ សៀង អ្នកត្រូវចាប់វាឲ្យជាប់ ប្រមូលកសិករក្នុងតំបន់ផលិតឬទិញវាឲ្យអស់ ធ្វើវាឲ្យរឹងមាំឲ្យគេស្គាល់ថាអ្នកជាម្ចាស់ទឹកម្ទេស ប៉េងបោះ សៀងប្រចាំប្រទេស។ នៅពេលដែលប្រេនរបស់អ្នកល្បីហើយ អ្នកអាចពង្រីកទីផ្សារបន្ថែមបានហើយ។ ការរកស៊ីច្រើនមុខគឺធ្វើឡើងលុះត្រាតែអ្នកមានកញ្ចប់ណាទំនេរចោល នោះអ្នកអាចយកវាដាក់វិនិយោគជាមួយគេដើម្បីបង្កើនប្រាក់ចំណូលមួយខ្ទង់ទៀត ហើយខាតក៏មិនមែនជាបញ្ហា មិនមែនវិនិយោគជាមួយគេដោយប្រើបំណុលធនាគារ ឬចងការគេយកលុយមកបណ្តាក់ទុនរកស៊ីដោយគ្រាន់តែលឺគេថាល្អនោះឡើយ ពីព្រោះវានឹងបង្កទៅជាហានីភ័យសម្រាប់អ្នក។  ការរកស៊ីទាមទារឲ្យមានភាពស្មោះត្រង់ចំពោះអ្នកខ្លួនឯងជាមួយអតិថិជនរបស់អ្នក។ ស្មោះត្រង់ចំពោះខ្លួនឯងគឺមិនរវើរវាយចាប់នេះបន្តិច នោះបន្តិច ពីព្រោះវានឹងធ្វើឲ្យអ្នកបាត់បង់កម្លាំង ហើយវង្វេងគោលដៅ។ ស្មោះត្រង់ជាមួយអតិថិជនគឺធ្វើឲ្យអ្នកទទួលប...