៧ចំណុចដ៏ទាក់ទាញរបស់នារី

១, រួសរាយរាក់ទាក់

ភាពរួសរាយរាក់ទាក់អ្នកណាក៏ចូលចិត្តដែរមិនថាជាបុរស ឬនារីទេ មនុស្សដែលមានភាពរួសរាយរាក់ទាក់តែងតែទទួលបានការកោដសរសើរ និងការស្រលាញ់រាប់អានពីអ្នកដទៃជាច្រើន។ជាពិសេសចំពោះនារីដែលអាចទទួលបានការចាប់អារម្មណ៍ពីសំណាក់បុរសៗភាពរួសរាយគឺ ជាចំណុចសំខាន់មួយដែលមិនអាចខ្វះបាន ព្រោះបុរសតែងគិតថានារីដែលមានភាពរួសរាយមិនត្រឹមតែធ្វើឲ្យគាត់ម្នាក់ឯងទេដែលពេញចិត្ត តែថែមទាំងអាចទទួលបានការពេញចិត្តពីសំណាក់មិត្តភក្ក ឪពុកម្ដាយ និងសាច់ញាតិរបស់គាត់ផងដែរ។
២, ជានារីដែលមានភាពរស់រវើក

ភាពរស់រវើកគឺជាចំណុចទាក់ទាញមួយរបស់មនុស្សគ្រប់គ្នា ភាពរស់រវើកនៅទីនេះសំដៅដល់ភាពរវើកទាំងការតុបតែងខ្លួនដែលមានភាពស្រស់បស់ល្អសក់រលងស្អាត ឬចងឲ្យបានត្រឹមត្រូវ ក្លិនក្រអូប មាត់ធ្មេញស្អាតល្អ ចេះញញឹមចេះសើចមុខគេមុខឯង  ពាក្យសម្ដីលះៗ កាយវិការដើរ ឈរ អង្គុយ និងធ្វើកិច្ចការផ្សេងៗឲ្យគេមើលមកឃើញថាយើងគឺជាមនុស្សដែលស្វាហាប់ រហ័សរហួន មិនដែលជាមនុស្សដែលខ្ជឹលច្រអូស ស្ពឹកៗ និងសោះកក្រោះឡើយ។
៣, ចេះតុបតែងខ្លួនឲ្យបានសមរម្យ

ចំណុចនេះក៏មិនខុសគ្នាប៉ុន្មានពីចំណុចទី២ដែរ យើងត្រូវចេះរៀបចំខ្លួនឲ្យបានផ្ចិតផ្ចង់តាំងពីចុងជើងរហូតដល់ចុងសក់់ ពោលគឺ តាំងពីក្រចកដៃ ក្រចកជើង ក្លិនខ្លួន សុខភាពមាត់ធ្មេញ សក់ចេះកក់ឲ្យបានញឹកញាប់ និងប្រើសាប៊ូដែលមានក្លិនក្រអូបល្អ ចេះជ្រើសរើសសំលៀកបំពាក់ដែលសមរម្យ។ល។ ទោះជាយ៉ាងណាក្ដីបុរសៗមិនសូវចូលចិត្តមនុស្សស្រីដែលគិតតែពីសម្រស់ហួសហេតុពេកនោះដែរ ដូចជា មិនឃើញសាច់ធម្មជាតិខ្លះៗទេគឺឃើញតែរបស់គីមីដែលគ្របពីលើស្បែកយ៉ាងជិតតែ ឬក៏ជាប្រភេទនារីដែលចូលចិត្តឃ្លុំមានន័យថាពាក់អាវករក្អម ពាក់ស្រោមដៃស្រោមជើងជាប្រចាំព្រោះខ្លាចខ្មៅ ឬសូម្បីតែនៅផ្ទះ។
៤, ចូលចិត្តការរៀនសូត្រ

ជាមនុស្សស្រីដែលមានចរឹតលក្ខណៈចាស់ទុំ មានចំណេះដឹង និងជាមនុស្សដែលយល់កាលៈទេសៈ-ល-គឺជាមនុស្សស្រីដែលស្និទ្ឋិជាមួយនឹងការរៀនសូត្រនេះឯង។មនុស្សស្រីដែលមានចំណេះដឹងជ្រៅជ្រះ កែវភ្នែករបស់នាងគឺបង្កប់នៅមន្តស្នេហ៍ដ៏ទាក់ទាញ់ អាចធ្វើឲ្យបុរសធ្លាក់ទៅក្នុងអន្លង់ស្នេហ៍នាងដោយមិនដឹងខ្លួន។
៥, ចេះធ្វើការងារផ្ទះ

ពេលបានគ្នាជាប្ដីប្រពន្ឋនារីគឺ ជាមេផ្ទះដែលធ្វើការងារផ្ទះច្រើនជាងបុរសដែលនេះគឺជារឿងជាក់ស្ដែងនៅក្នុងសង្គមខ្មែរយើងសព្វថ្ងៃ ចំណែកបុរសៗមិនសូវជាគិតគូររឿងនៅផ្ទះបានល្អិតល្អន់ដូចស្ដ្រីទេ ដូចនេះប្រពន្ឋគឺជាតួរអង្គសំខាន់ដើម្បីភាក់ក្ដៅក្នុងគ្រួសារ ដូចពាក្យគេពោលថា សម្លឆ្ងាញ់ព្រោះគ្រប់គ្រឿងគ្រួសាររុងរឿងក៏ព្រោះប្រពន្ឋ។ ដូច្នេះនៅពេលបុរសឃើញនារីណាដែលច្បាស់លាស់រឿងការងារជាមេផ្ទះគាត់អាចនឹងគិតថាប្រសិនបើបានម្នាក់នេះជាគូរអនាគត់ ប្រាកដជានឹងមានសុភមង្គលច្រើននៅក្នុងគ្រួសារ។
៦, ជានារីដែលរឹងមាំ

រឹងមាំតែមិនរឹងរុស ទន់ភ្លន់តែមិនទន់ជ្រាយ នេះគឺជានារីដែលបុរសៗចង់បាន នារីបែបនេះមិនសូវជាបង្ហាញពីភាពទន់ជ្រាយរបស់ខ្លួនឲ្យសាធារណៈជនបានឃើញឡើយ គេជានារីដេលមានភាពក្លាហាន ហានជំនៈឧបសគ្គគ្រប់យ៉ាងនៅក្នុងជីវិត នារីប្រភេទនេះមិនអាចទទួលបានការមើលងាយពីបុរស ឬពីប្ដីរបស់ខ្លួនឡើយ។
៧, ជានារីដែលប្រឡុកក្នុងសកម្មភាពកីឡា

ការលេងកីឡាមិនត្រឹមតែធ្វើឲ្យយើងមានសុខភាពល្អប៉ុណ្ណោះទេ តែថែមទាំងធ្វើយើងមានរាងកាយស្អាត មាំមួន និងស្រស់ថ្លា ហើយការលេងកីឡាគឺជាសកម្មភាពមួយដែលធ្វើជីវិតរបស់យើងមានភាពរស់រវើកផងដែរ។

និពន្ឋអត្ថបទដោយ៖ ក្លត ដៀន

នាំមកជូនដោយ៖ Power help