ទម្លាប់មិនល្អដែលប្រជាជនខ្មែរយើងមួយចំនួនគួរគិតសារឡើងវិញ

ទម្លាប់មិនល្អដែលប្រជានជនខ្មែរយើងមួយចំនួន គួរគិតសាឡើងវិញនោះគឺ ភាពគ្មានទំនួលខុសត្រូវ។ លើលោកផែនដីនេះ អ្នកលូតលាស់មានផ្លែផ្កា គេរមែងប្រកាន់ភ្ជាប់នឹងទំនួលខុសត្រូវ ព្រោះថាទំនួលខុសត្រូវនេះហើយ ដែលរុញច្រានគេឱ្យបន្តតំណើរឆ្ពោះទៅកាន់គោលដៅដែលគេបានកំណត់ច្បាស់លាស់ ដោយរលូន។  មែនទែនទៅ គេចេះបែងចែកពេលវេលាសិក្សា ធ្វើការងារ និងកម្សាន្តត្រឹមត្រូវ។ ប្លែកតែបងប្អូនយើងមួយចំនួនទៀត ហាក់ចែកមិនដាច់ ថាតើពេលណាត្រូវរៀន ពេលណាត្រូវធ្វើការ និងពេលណាត្រូវកម្សាន្ត។ ហើយវិធីកម្សាន្តនោះទៀតសោត តើគេត្រូវកម្សាន្តក្នុងក្រឹត្យក្រមបែបណា?
បុគ្គលខ្លះរើសយកការកម្សាន្តដែលផ្តល់ចំណេះដឹង និងធ្វើឱ្យខួរក្បាលគេរីកចម្រើនទៅមុខជាលំដាប់។  ដូចជាធ្វើដំណើរកម្សាន្ត សិក្សាពីវប្បធម៌រស់នៅរបស់មនុស្សជុំវិញគេ ឈ្វេងយល់ពីស្រុកទេសដទៃ ឬសិក្សាពីអ្វីៗដែលកំពុងកើតមាននៅជុំវិញខ្លួន។ ឯការកម្សាន្តខ្លះទៀត បែរជាបង្កទុក្ខទោសទៅវិញ តួយ៉ាងអំពើហិង្សាក្រោយទទួលទានគ្រឿងស្រវឹងជោកជាំ។ មួយថ្ងៃៗជុំគ្នានៅតែតៀមស្រាពុំប្រកបការងារអ្វីឱ្យមានប្រយោជន៍ដល់ខ្លួន គ្រួសារ និងសង្គមជាតិ។ ការទទួលទានគ្រឿងស្រវឹងពុំមែនសុទ្ធតែអាក្រក់ទាំងស្រុងនោះទេ ក៏ប៉ុន្តែបើពុំមានទំនួលខុសត្រូវ គ្មានម្ចាស់ការ ជំនក់ជាប់តែនឹងស្រា នោះនឹងនាំទុក្ខភ័យដល់ខ្លួនទៅវិញទេ។

ម៉្លោះហើយ ចូរចៀសឱ្យឆ្ងាយពីគ្រឿងញៀន និងឧបាយមុខផ្សេងៗ ដែលនាំឱ្យយើងលិចលង់ស្រង់លែងរួច។

ប្រភព៖ DrMenglyJQuach

ផ្សាយបន្តដោយ៖ Power helh