[បើខ្សោយកុំធ្វើមេ]
បេីក្រុមហ៊ុនផ្តល់ឱកាសឱ្យអ្នកធ្វេីជា"មេ" អ្នកត្រូវតែធ្វេីខ្លួនឱ្យដូចជាមេទ័ព"តោ"ម្នាក់ដែលអង់អាចក្លាហាន មិនដែលខ្លាចសមរភូមិ ស៊ូស្រក់ឈាមក៏មិនស្រក់ទឹកភ្នែក។
បច្ចុប្បន្ននេះ នៅមានមេមួយចំនួនដែលខ្វះភាពក្លាហាន មិនហ៊ានគ្រប់គ្រងកូនចៅ ប្រេីគេមិនស្តាប់ គឺធ្វេីខ្លួនឯង ហេីយតែងតែប្រាប់អ្នកដទៃថា កុំប្រកាន់កូនចៅច្រេីនពេក។ (កុំប្រេីសម្ដីបែបចិត្តទូលាយ មកធ្វេីការបិទបាំងភាពទន់ជ្រាយរបស់ខ្លួនឱ្យសោះ)
ខ្ញុំចង់ប្រាប់ទៅមេប្រភេទនេះថា បេីចិត្តរបស់អ្នកមិនហ៊ាន និយាយស្ដីមិនលះ សម្រេចចិត្តក៏ស្ទាក់ស្ទើរ ប្រញាប់លាលែងពីតំណែងទៅ ពីព្រោះមេដូចជាអ្នក អាចនាំទុក្ខដល់ក្រុមហ៊ុន និងប៉ះពាល់ដល់អនាគតរបស់កូនចៅ ពីព្រោះអ្នកមិនអាចដឹកនាំកូនចៅឱ្យក្លាយជា"តោ"បានទេ ដរាបណាអ្នកគឺជាមេទ័ព"ចៀម"។
ធ្វើជាមេ ត្រូវតែមានទំនួលខុសត្រូវឱ្យខ្ពស់បំផុត។ បេីមានកូនចៅ១០នាក់ មេត្រូវទទួលខុសត្រូវ១១ បូកទាំងខ្លួនឯង។
ឧទាហរណ៍៖ ក្រុមហ៊ុនចូលធ្វេីការម៉ោង០៧:៣០ព្រឹក ហើយអ្នកតែងតែមកដល់កន្លែងការងារមុនម៉ោង០៧:០០ព្រឹកក៏ដោយ អ្នកក៏អាចត្រូវផ្នែកធនធានមនុស្សហៅទៅណែនាំផងដែរ ប្រសិនបើកូនក្រុមរបស់អ្នកភាគច្រេីនមកធ្វេីការយឺតម៉ោង។ ចូរអ្នកកុំតូចចិត្ត ព្រោះពេលដែលអ្នកឡេីងតំណែងជាមេ អ្នកត្រូវតែដឹងរឿងមួយនេះ។
កុំទម្លាប់សរសេីរថាគេខ្លាំង គួរតែរៀនទទួលស្គាល់ថាខ្លួនឯងខ្សោយ។
កុំបន្ទោសថាគេជាមនុស្សបោកប្រាស់ គួរតែរៀនទទួលស្គាល់ថាខ្លួនឯងល្ងង់។
ការបន្ទោសអ្នកដទៃ ពិតជាមិនអាចជួយអ្វីយេីងបានឡេីយ។ ផ្ទុយមកវិញ មានតែការបន្ទោសខ្លួនឯងទេ ដែលអាចធ្វេីឱ្យយេីងចេះកែប្រែរាល់កំហុស និងចំណុចខ្សោយរបស់យេីង ហេីយនៅពេលដែលយេីងខ្លាំង ដៃគូប្រកួតប្រជែងរបស់យេីងមិនប្រាកដថាខ្លាំងទៀតទេ៕
នាំមកជូនដោយ៖ Power help
Comments
Post a Comment