វិធីកម្ចាត់ចោលទម្លាប់ពន្យាពេល

 



១, បញ្ឈប់ភាពខ្ជិលនៅក្នុងខ្លួន ព្រោះវាអាចឲ្យយើងពន្យាពេលពីមួយពេលទៅមួយពេល។

២, ឈប់មានភាពអំនួតនៅក្នុងខ្លួន ព្រោះនៅពេលមានការងារចំពោះមុខដែលត្រូវធ្វើ នៅតែគិតថាខ្លួនឯងមានភាពស្ទាត់ជំនាញទើបពន្យាពេលមិនព្រមធ្វើ។ 

៣, ឲ្យតម្លៃទៅលើពេលវេលាឲ្យខ្លាំងដូចអាយុជីវិតរបស់យើងនោះអ្នក និងមិនចង់ពន្យាពេលទៀតទេ។ 

៤, ពេលដែលយើងឲ្យតម្លៃទៅលើពេលវេលាកាន់តែខ្លាំងវាដូចជាថ្នាំម្យ៉ាងដែលធ្វើឲ្យយើងគ្មានភាពខ្ជិលនៅក្នុងខ្លួនឡើយ។

៥, ត្រូវមានចំណង់ឲ្យខ្លាំងនៅក្នុងខ្លួន នោះជំងឺពន្យាពេល និងរសាត់បាត់ដោយឯកឯង។ 

៦, ត្រូវធ្វើខ្លួនជាមនុស្សជោគជ័យ គ្មានមនុស្សជោគជ័យណាដែលពន្យាពេលនោះទេ មានតែមនុស្សបរាជ័យទេដែលអង្គុយតែចាំបន្តិចទៀតទៅៗ។ 

៧, កម្ចាត់ចោលពាក្យថា "សល់ពេលច្រើនណាស់ចាំស្អែកទៅ!" មើលងាយការងារ ចាំបន្តិចទៀត ចាំថ្ងៃនេះថ្ងៃនោះ។ 

៨, កំណត់គោលដៅជីវិត នៅពេលដែលអ្នកមានគោលដៅថាប្រាំឆ្នាំទៀតចង់បានអ្វី? ពេលនោះជីវិតយើងគ្មានទេពាក្យថាពន្យាពេល។ 

៩, ផ្លាស់ប្តូរសកម្មភាពមិនល្អជាប្រចាំថ្ងៃចោល ព្រោះវាអាចកើតជាទម្លាប់ ទម្លាប់នឹងបង្ហាញពីអនាគតរបស់អ្នក។

១០, ទម្លាប់ខ្លួនឲ្យក្លាយជាមនុស្សដែលធ្វើការងារទាន់ពេលវេលា។ 

១១, បើគ្មានភាពខ្ជិលនៅក្នុងខ្លួននោះអ្នក នឹងសម្រេចបានក្តីស្រមៃបានយ៉ាងងាយ។

១២, កុំខ្លាចលំបាកអី គ្មានការងារជោគជ័យណាបានមកដោយស្រួលនោះទេ ពេលដែលខ្លាចលំបាកកាន់តែខ្លាំងនោះភាពខ្ជិល នឹងមាននៅក្នុងខ្លួនកាន់តែខ្លាំង។៕

អត្ថបទ៖ សុន លីណា

ប្រភព៖ អ្នកបន្តវេន

កែសម្រួល និងនាំមកជូនដោយ៖ Power help


Comments

Post a Comment

Popular posts from this blog

តែប៉ុណ្ណេះលែងឆ្ងល់ហេីយ!! តោះទៅស្វែងយល់អំពីរបៀបលេងតុងទីន

Image
ក្នុងតុងទីនមានភាគីពីរគឺ មេតុងទីន និងកូនតុងទីន។ តុងទីនមួយគេហៅ តុងទីនមួយក្បាល។ ក្នុងតុងទីនមួយមានមេ តែម្នាក់ប៉ុណ្ណោះ តែកូនមានច្រើនអាចឡើងដល់ ៦០ ឬ ៧០នាក់ក៏មាន។ កូនតុងទីនជាអ្នកបង់ ហើយនិងដេញតុងទីន។ មេជាអ្នកតំណាងកូនតុងទីនទាំងអស់ក្នុងការសម្របសម្រួលការបង់ និងដេញតុងទីន។  ក្នុងមួយខែម្ដង កូនម្នាក់ៗត្រូវបង់លុយក្នុងបរិមាណថេរមួយដែលបានកំណត់ទៅឱ្យមេដែលជាអ្នកដើរប្រមូល។ ការបង់នេះអាចប្រៀបបាននឹងការដាក់លុយផ្ញើរក្នុងធនាគារដែរ។ ធ្វើបែបនេះរហូតដល់តុងទីនដាច់ឬបញ្ចប់។ នៅក្នុងខែនោះដែរ កូនតុងទីនមានសិទ្ធិដេញតុងទីនម្ដង។ ការដេញតុងទីនអាចប្រៀបបាននឹងការខ្ចីលុយធនាគារដែរ ខុសត្រង់ថាក្នុងការលេងតុងទីន កូនជាអ្នកដេញថ្លៃការប្រាក់។ ដូច្នេះនៅពេលដល់ថ្ងៃដេញតុងទីន កូនតុងទីនត្រូវដេញថ្លៃការ។ បើកូនតុងទីនណាម្នាក់ឱ្យថ្លៃការប្រាក់ខ្ពស់ជាងគេ កូនតុងទីននោះនឹងដេញបាន ហើយទទួលបានលុយក្នុងកញ្ចប់ដែលទើបប្រមូលបាននោះ ប៉ុន្តែត្រូវដកថ្លៃការប្រាក់ ដើម្បី បង់ឱ្យកូនដទៃទៀតដែលដេញមិនបាន ឬគេហៅថានៅរស់ និងត្រូវដកថ្លៃកាត់ទឹកថេរមួយទុកឱ្យមេតុងទីនដែរ។ តុងទីនខ្លះខែទីមួយមិនមានការដេញទេ គឺមេតុងទីនប្រមូលយកលុយតែម្ដង។ ក្នុងករណីនេះមិនមានការកាត់ទឹកឱ្យមេតុងទីនរាល់ព...
Read more

តើក្រមសីលធម៌អាជីវកម្មជាអ្វី?

Image
  ក្រមសីលធម៌អាជីវកម្ម(Business Ethics) មិនខុសពីក្រមសីលធម៌ជាទូទៅទេ ព្រោះសកម្មភាពអាជីវកម្មនឹងត្រូវវាយតម្លៃដោយមនុស្សនៅក្នុងសង្គមដូចគ្នា។ ដូច្នេះ ក្រមសីលធម៌អាជីវកម្មគឺពាក់ព័ន្ធនឹងការអនុវត្តគោលការណ៍ក្រមសីលធម៌ទូទៅ ចំពោះការសម្រេចចិត្ត, ដំណើរការអាជីវកម្ម និងប្រតិបត្តិការរបស់បុគ្គលិក។ ជាទូទៅ ក្រមសីលធម៌អាជីវកម្មក្ដោបបញ្ចូលនូវទិដ្ឋភាពជាច្រើនដូចជា៖ ការសូកប៉ាន់, អំពើពុករលួយ, ភាពឯកជន (privacy), ការរើសអើង, ការទទួលខុសត្រូវសង្គម (corporate social responsibility), ការគេចពន្ធ, សហជីពកម្មករ, និងកម្មសិទ្ធិបញ្ញា ជាដើម។ លក្ខណៈនិងគុណតម្លៃដែលមនុស្សមានក្រមសីលធម៌ប្រតិបត្តិមានដូចជា៖ ១, ភាពស្មោះត្រង់៖ មិនកុហក ឬបោកបញ្ឆោត ២, ភាពសុចរិត៖ មិនធ្វើខុសពីមនសិការខ្លួន ឬខុសសីលធម៌វិជ្ជាជីវៈ, ការមិនលួចភាពឯកជន និងកម្មសិទ្ធិបញ្ញាអ្នកដទៃ ៣, រក្សាពាក្យសន្យា៖ មិនយកលេសគេចវេសពីពាក្យសន្យារបស់ខ្លួន ឬការប្ដេជ្ញាចិត្តណាមួយ ៤, ភាពស្មោះត្រង់៖ មិនបែកធ្លាយព័ត៌មានសម្ងាត់របស់អ្នកដទៃ ដើម្បីផលប្រយោជន៍ខ្លួនឯង ៥, ភាពយុត្តិធម៌៖ មិនទាញយកផលប្រយោជន៍ពីអ្នកដែលងាយរងគ្រោះ ឬអ្នកមានឋានៈតូចជាង ៦, គិតពីអ្នកដទៃ៖ មិនធ្វើបាបអ្នកដទៃ ៧, គោរពអ្នកដទៃ៖ មិនរើស...
Read more

ភាពមាក់ងាយចំពោះអាជីវកម្មបោកអ៊ុត

Image
ខ្ញុំនិងប្រពន្ធខ្ញុំទៅចរចារជួលផ្ទះកន្លែងមួយដែលស្ថិតនៅម្តុំវត្តដំណាក់ខេត្តសៀមរាបចំងាយពីហាងខ្ញុំចាស់ប្រហែល១គីឡូម៉ែត្រ ខ្ញុំបានជួបជាមួយម្ចាស់ផ្ទះដែលគាត់ជាមន្ត្រីធំឋានៈជាប្រធានមន្ទីរ មើលទៅគាត់ជាមនុស្សមាំទាំណាស់ ការចរចារគឺគាត់ដាក់តំលៃអោយខ្ញុំ១៩០ដុល្លា ខ្ញុំប្រឹងបញ្ចុះបញ្ចូលគាត់ អង្វរគាត់អោយត្រឹម១៥០ដុល្លា តែគាត់ដាច់ខាតមិនបាន ប្រពន្ធខ្ញុំជួយនិយាយគាត់ក៏សំរេចចិត្តអោយតំលៃត្រឹម១៧០ដុល្លា គាត់សួរទៀតថា៖ ម្ចាស់ផ្ទះ៖ ក្មួយទាំងពីរជួលផ្ទះពូប្រុងធ្វើមុខរបររកស៊ីអី បើលក់សាំង និងហាងបាយគឺធ្វើមិនបានទេ ព្រោះពូជាមនុស្សស្អាត ពូនៅខាងលើចឹងពូមិនអោយរកស៊ីរបរទាំងពីរមុខហ្នឹងទេ ខ្ញុំ៖ បាទពូ!! ខ្ញុំរកស៊ីបោកខោអាវ  ម្ចាស់ផ្ទះ៖ ស្អីគេហា!!! រកស៊ីបោកខោអាវអោយគេ ហ៊ានជួលផ្ទះអញ ១៧០ដុល្លា ១ខែផង (ខ្ញុំនៅចាំពាក្យនេះជាប់ក្នុងត្រចៀកនិងខួរក្បាលខ្ញុំរហូតដល់សព្វថ្ងៃ)  ខ្ញុំ៖ បាទពូ!!! ខ្ញុំចង់បានទឹកស្អាតព្រោះខ្ញុំបើកហាងនៅខាងណោះអត់មានទឹកស្អាតខ្ញុំឡើងខ្មៅក្រចកអស់ហើយ ( ខ្ញុំបង្ហាញក្រចកខ្ញុំអោយគាត់មើល) ម្ចាស់ផ្ទះ៖ ១៧០ដុល្លាណា!!!អានាង!! បើបើកកើតអញអោយកូនអញឈប់ធ្វើការទាំងអស់មកបើកបោកអ៊ុតវិញហ្អា!!! ពាក្យសំដីទាំងនេះធ្វើអោ...
Read more